Irudiak ezin badituzu behar bezala ikusi, eguneratu zure nabigatzailea: Klikatu hemen.
Berrogeita hamarreko hamarkadan, Manuel Aburuza sagardo naturala egiten hasi zen baserrian, eta haren seme Juan Josek tradizioari jarraitu, eta egungo sagardotegia sortu zuen 1979an. Gaur egun, dagoeneko belaunaldi-erreleboa hartua daukate haren seme-alabek.
Adunan dago, Gipuzkoan, eta sagarrondo ugariz inguratuta dago; izan ere, Aburuzan bertako sagarrez egiten da sagardo gehiena. Urte osoan merkaturatzen dute botilan.
Sagardotegiak 300 lagunentzako jangela dauka, eta urte osoan irekita dago. Bertan, sagardotegiko ohizko menua dasta dezakegu, eta sagardoa txotxetik. Taberna-kafetegia ere badauka.
Urte osoan zabaltzen du astelehenetik larunbatera, afaritarako bakarrik. Talde handientzako ere bazkari-aukera dago (gutxienez 50 lagun).
Irekiera-ordua: 20:00.
Atseden eguna: Igandea.
Oporrak: Abenduaren 1etik urtarrilaren 15era, gutxi gorabehera.