Sagardo naturala: prestatzeko prozesua

 

Aburuzan denboraldi bakoitzean kalitate handiko sagardo naturala lortzeko lan egiten dugu. Sagardoa egiteko gure prozesua hobetzeko asmoz, gure taldean Xabier Kamio goi-mailako enologoa hasi da lanean.

Berrikuntzaren abangoardian dagoen sagardotegia gara; gure sagardoaren kalitatea bermatzea eta arintzea ahalbidetzen diguten instalazioak eta makina modernoak ditugu.Lanerako erabiltzen dugun trazabilitate-sistema funtsezkoa da gure sagardo naturalaren prestakuntza kontrolatzeko. Sagarrondoen zaintzatik eta sagarraren —gurelehengaia— bilketatik eta aukeraketatik hasi eta gure sagardotegian dasta dezakezuen azken produkturaino.

 

 

Sagarra

Irailaren erdialdera hasten garasagarra biltzen eta azaroaren lehen egunetan amaitzen dugu.Sagar barietate bakoitza une zehatz batean heltzen da, eta, ondorioz, sagar guztiak ez dira aldi berean biltzen. Klimatologia, halaber, oinarrizko faktorea da, klimatologiaren arabera sagarra lehenago edo beranduago heltzen baita.

Garbiketa

Aburuzan jakitun gara sagarra garbitzea ez ezik, prozesu osoan zehar garbiketak duen garrantzi izugarriaz.Lehenik eta behin, sagarrak uretan herrestan eramaten ditugu eta prozesu horretan garbitu egiten dira; sareta batzuetatik pasatzen dira ondoren eta ura eta sagarra bereizi egiten dira, baita sagarrek izan dezaketen zikinkeria guztia ere. Ondoren, tunel antzeko batetik pasatzen da sagarra, presiopeko ur txorrota askorekin erabat garbituz.

Hautaketa

Behin sagarra ondo garbituta dagoela, zinta garraiatzaile batera eramaten dugu hautaketa egiteko. Egoera onean ez dauden sagar guztiak baztertu egiten ditugu.Hautaketa-prozesu guztia eskuz egiten da.

Birrinketa

Hautaketa egin ondoren, sagarra birringailutik pasatzen da, zatitan txikituz. Makina nahierara egokitzen dugu, hots, sagarra gero eta helduago izan, zatiak handiagoak izango dira eta, aitzitik, heldutasun-puntua gero eta txikiagoa izan, sagar-zatiak ere txikiagoak izango dira. Oso garrantzitsua da sagarraren hazia ez apurtzea; geroago nahi ez ditugun zaporeak saihesteko, haziek zapore biziegia ematen baitiote sagardoari.

Zanpatzea

Sagarrak zatitu ondoren, dolarean sartzen ditugu muztioa lortze aldera. Zanpatzea presio baxuan egiten da hasieran, aurretik aipatutako haziak ez apurtzeko.Behin muztioa eskuratuta, azidotasun, ph, azukre eta taninoaren analitikak egiten ditugu.

Dekantazioa

Dekantazioak solidoak muztiotik era naturalean bereizten ditu.Dekantazioa 10-12 ºC bitartean egiten dugu; horrenbestez, hartzidura atzeratzen dugu eta muztioa solidoetatik bereizten da. Solidoek, bestalde, euren pisuak bultzatuta beherantz egiten dute eta dekantazioa 16-24 ordu bitartean gauzatzen da. Ondoren, muztio garbia beste andel batean jartzen dugu (ontzi-aldaketa) hartzidura-prozesua burutu dadin.

Hartzidura

Muztioaren azukrea alkohol bilakatzearen prozesuari deritzo. Hartziduraren tenperatura oso garrantzitsua da. Muztioa gero eta tenperatura hotzagoan egon, hartzidura geldoagoa izango da eta karboniko gutxiago galduko du, kalitatezko sagardoa egiteko ezinbestekoa dena.

Ontzi-aldaketa

Behin hartzidura-prozesua amaituta, ontzi-aldaketak egiteari ekingo diogu. Sagardo natural desberdinak nahastean oinarritzen da teknika hau.Nahasketa horiek eginez, nahi dugun sagardo naturala lortuko dugu, baita upeltegian homogeneotasuna izatea ere.

Txotxa

Txotxaren errituari hasiera emateko, gainerako mahaikideekin batera jantokitik kupeletarainoko bidea egin behar da eta, bertan, sagardogileak kupeletik zerbitzatzen digun sagardo naturala hartu. Sagardogileak emango digu sagardoa kupel desberdinetatik dastatzeko aukera, betiere sagardo naturalaren gainerako zaleak lagun ditugula.

Botilatan sartzea

Botilaratzea ia % 100ean automatizatua dago. Botilatan sagardoa sartzeko makina oso modernoa dugu, orduko 3.000 botila betetzeko ahalmena duena.

Kontsumitzeko gomendioak

Sagardo-botila ireki aurretik, buruz behera astintzea gomendatzen da. Mugimendu horren bidez, sagardo naturalak izan dezakeen hondarra edo jalkina disolbatu edo desagerraraziko dugu. Sagardoa fresko kontsumitu behar da, 10ºC inguruan. Edalontzi mehe eta zabalean zerbitzatu behar da, soilik une horretan edan nahi den kantitatea, horrela, ezaugarri aromatikoak lurrundu daitezen. On egin!